ءداستۇرلى بايقاۋدى قورىتىندىلاۋ جانە جەڭىمپازداردى انىقتاۋ جۋرناليستەردىڭ كاسىبي مەرەكەسى – بۇقارالىق اقپارات قۇرالدارى قىزمەتكەرلەرى كۇنى قارساڭىندا وتەدى.
وسى سىيلىققا پالاتانىڭ زاڭ شىعارۋشىلىق قىزمەتى جايلى 2024 جىلعى قىركۇيەك پەن 2025 جىلعى 13 ماۋسىم ارالىعىندا جاريالانعان جانە ەفيرگە شىققان ماتەريالدار قابىلدانادى.
جەڭىمپازدار 7 نوميناتسيا بويىنشا ماراپاتتالادى. ولار –ۇزدىك تەلەۆيزيالىق سيۋجەت, باسپا جاريالانىم, ينتەرنەت, راديو جانە فوتو ماتەريال. سونداي-اق «پارلامەنت ءسوزى» نوميناتسياسى, پارلامەنتتىك جۋرناليستيكانى دامىتۋعا قوسقان ۇلەسى ءۇشىن نوميناتسياسى مەن پارلامەنت ءماجىلىسىنىڭ قىزمەتى تۋرالى جاسالعان ارنايى رەپورتاج دا اتاپ وتىلەدى.
جەڭىمپازداردى ءماجىلىس دەپۋتاتتارىنان قۇرالعان ارنايى كوميسسيا انىقتايدى.
وتىنىمدەردى 2025 جىلعى 16 ماۋسىمعا دەيىن Smimazh@parlam.kz ەلەكتروندىق پوشتاسىنا جىبەرۋگە بولادى.
قوسىمشا اقپاراتتى ءماجىلىستىڭ رەسمي سايتىنان نەمەسە 74-63-01, 74-63-05 بايلانىس تەلەفوندارى ارقىلى الا الاسىزدار.
